Rocky Mountains

ff D Rocky Mountains [ˌɹɒkiˈmaʊntənz] (dytsch Felsegebirg, in dr Umgangssprooch säit men e au Rockies) si e usdeents Faltegebirg im westlige Nordamerika. D Bärgchetti isch, je noch Definizion, mee as 4500–5000 km lang und göön vo New Mexico dur die kontinentale Veräinigte Staate bis uf Kanada. Si bilde äini vo de wääsentlige geografische Browinze vo de USA. Nit zu de Rocky Mountains ghööre d Coast Mountains, d Kaskadechetti und d Sierra Nevada. Dr Mount Elbert in Colorado isch 4.401 m hooch und isch dr höggsti Bärg in de Rocky Mountains. D Rocky Mountains si Däil vo de Kordillere, wo vo Füürland bis Alaska göön. Es git in de Rockies bedütendi Nationalpark wie dr Yellowstone-Nationalpark odr dr Banff Nationalpark in dr Provinz Alberta und verschidnigi Wintersportzentre. Si sin au riich an Bodeschetz. Dr Region vo de amerikanische Bundesstaate, wo in de Rockies ligge, säit mä Mountain States.